Ауруханаішілік тәртіп ережелері

 

  1. Тыныштық сағаты-14.00-ден -16.00-ге дейін, бұл уақытта кіріп шығуға қатаң тиым салынады!
  2. Емдеуші дәрігерлермен таңертеңгі дәрігерлік қарап-тексеруден соң жолығуға болады.
  3. Бөлімшеге келген науқастардың келісімде көрсетілген туыстарына қатаң түрде жеке куәлігімен кіруге ғана рұқсат етіледі және жеке куәлікпен ғана кіргізіледі.
  4. Келісім-шартта көрсетілмеген туыстардың сәлем- сауқаттары қабылданбайды және бөлімге кіргізілмейді.
  5. Барлық алып келген тағамдар мен заттарды ашып тексереді (сұйық заттарды бір рет қолданатын стаканға құйып дәмін татады, нан тағамдарын пышақпен бөліп,конфет, темекінің бүтіндігін, киімдерді ашып тексереді.)
  6. Науқастардың туыстары бөлімшеге кіретін кезде міндетті түрде ұялы телефонды турникет жанындағы арнайы жәшікке, қол қойып өткізеді.
  7. Бөлімшеде жоғалған қымбат заттарға (ұялы телефон, ақша, алтын заттар және т.б) аурухана қызметкерлері жауап бермейді.
  8. Науқастарға өзімен бірге бағалы заттарды (ұялы телефон, ақша, алтын заттар және т.б) алып жүруге болмайды.
  9. Электр бұйымдарын (электр шәйнек, жылытқыштар, плитка) қолдануға тыйым салынады.
  10. Аурухананың барлық аймағында темекі шегуге және спирт ішімдіктерін қолдануға қатаң тиым салынады.

Азаматтардан ұсыныс-шағымдарды қабылдау ережесі.

Құрметті науқастар мен ата-аналар! Сіздердің біздің аурухана қызметкерлері тарапынан көрсетілген медициналық көмек сапасы жөніндегі ұсыныс-шағымдарыңыз ауызша немесе жазбаша түрде қабылданады. Жазбаша түрде ұсыныс – шағым жәшігіне өз сұрағыңызды немесе ұсынысыңызды нақты баяндап, өз тегіңізді атыңызды, мекен-жайыңызды, хабарласу телефондарды, күнтізбелік күнін және қолтаңбаңызды көрсетіп жазуыңыз керек. Анонимді түрдегі шағым қарастырылмайды. Ауызша ұсыныс-шағымдар сенім телефондары арқылы қабылданады.

Күн тәртібі

6.00-8.00 Ұйқыдан ояну, дәрігер тағайындауларын жасау.
8.00-9.00 Медқызметкерлердің кезекшілік тапсыруы, таңғы ас ішу.
9.00-11.00 Дәрігерлердің қарап-тексеруі.
11.00-12.00 Дәрігерлік тағайындаулар –дәрі ішу, инъекциялар жасау
12.00-13.00 Түскі ас ішу
14.00- 16.00 Күндізгі ұйқы
16.00-17.00 Дәрігерлік тағайындаулар,  инъекциялар жасау, түстік ас ішу
17.00-19.00 Таза ауада серуендеу
19.00-20.00 Кешкі ас ішу
20.00-21.00 Дәрігерлік тағайындаулар – дәрі ішу, инъекциялар жасау
22.00-6.00 Түнгі ұйқы

Сенім телефондары:

Бас дәрігер Жексембиев Ж.Т.

тел: 45-77-53

Емдеу ісі бойынша бас дәрігер орынбасары:

Каримова Г.А. тел: 51-03-50

Ұйымдастыру жөніндегі бас дәрігер орынбасары:

Даулетжанова Э.А. тел: 45-35-82

Ішкі аудитке бойынша бас дәрігердің орынбасары:

Таңатбаева Л.С. тел:43-21-79

«Сенім» телефоны: тел:43-21-79

Саll-орталық 55-67-01

Отбасыңызға амандық пен денсаулық тілейміз!

 

Құрметпен ЖОНД әкімшілігі.

ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ және ӘЛЕУМЕТТІК ДАМУ МИНИСТРЛІГІ

Жамбыл облыстық наркологиялық диспансері

Пациенттерге қолдау көрсету қызметі

Сондай-ақ, өңірлік Пациенттер құқығын қорғау жөніндегі қоғамдық кеңеске жүгінуіңізге болады. (www.mz.gov.kz )

Біздің медициналық ұйымда «Халық денсаулығы және денсаулық  сақтау жүйесі туралы» Қазақстан Республикасы Кодексінің 58-бабына сәйкес,

ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІ (Ішкі бақылау қызметі) құрылды.

ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІ

(Ішкі бақылау қызметі) функцияларына медициналық көмек көрсету тәртібінің бұзылу фактілерін анықтау кіреді.

Осыған байланысты, егер Сіздер:

-медициналық көрсету сапасымен қанағаттанбасаңыз;

-медицина қызметкерлері тарапынан дөрекі қарым-қатынасқа ұшырасаңыз;

-тегін медициналық көмектің кепілдік берілген көлемі шеңберінде көрсетілетін медициналық қызметтер үшін медицина персоналдың ақша талап ету фактілері болған жағдайда;

-сондай-ақ , егер СІЗ медициналық көмек көрсету тәртібіне немесе сапасына байланысты проблемалық мәселелерге кез болсаңыз,  СІЗ ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІНЕ жүгінуге құқылысыз.

Обьективтілік және ашықтық қағидаттарын сақтау мақсатында Сіздің шағымыңызды Комиссия Сіздің қатысуыңызбен қарастыратын болады.

Сіздің шағымыңызда аты-жөніңізді және мекен-жайыңызды көрсетіп медициналық ұйымға кіреберісте орналасқан өтініштер мен шағымдарға арналған жәшікке қалдыруыңызға болады, сондай-ақ шағымды медициналық ұйымның сайтына жазуыңызға болады: сайттың мекен-жайы: www.ond-zhambyl.kz

ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІ СІЗДІҢ шағымыңызды мүмкіндігінше тез қарап, күнтізбелік бес күннен аспайтын мерзімде шағымды қарау нәтижесі бойынша ақпаратты ұсынады. 

Көрсетілген телефон нөмірлеріне :

 43-21-79 немесе №10 кабинетке ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІНЕ (Ішкі бақылау қызметі) жолықсаңыз болады.

ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІНЕ ем қабылдап жатқан пациенттер , сонымен қатар олардың туыстары шағымдануға құқылы.

Көрсетілетін медициналық көмек деңгейі мен сапасына қанағаттанушылық дәрежесін анықтау мақсатында біздің пациенттерге және (немесе) олардың туыстарына ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІ сауалнама жүргізеді.

Сауалнама ерікті негізде жүргізіледі, Сіздің жауаптарыңыздың құпиялылығы сақталады, сондықтан Сауалнамада аты-жөніңізді ненмесе мекен-жайыңызды көрсету талап етілмейді. Сіздің ой-пікіріңізді дәл көрсететін жауаптарды таңдап, сауалнама сұрақтарына жауап берсеңіз, біздің ұйымымыздың медициналық көмек көрстеу сапасының жақсаруына өзіңіздің үлесіңізді қосқаныңыз үшін Сізге алғысымызды білдіреміз.

Пациентті қолдау және ішкі бақылау қызметінің» төрайымы  бас дәрігердің медициналық көмек сапасын бақылау жөніндегі орынбасары

Таңатбаева Ләззат Сауранбекқызы

 

ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІНІҢ құрылымы

 

(Ішкі бақылау қызметі) Диспансер құрамында «Пациентті қолдау және ішкі бақылау қызметі»  бөлек қызмет ретінде  «Халық денсаулығы және денсаулық сақтау жүйесі туралы» ҚР Кодексінің 58-бабына сәйкес, ҚР ДС және ӘД Министрлігінің «Медициналық ұйымдарда пациентті қолдау және ішкі бақылау қызметін жетілдіру» селекторлық кеңесінде берілген тапсырмасы бойынша, 16.02.2015ж. хаттамалық шешімнің ҚР Медициналық және фармацевтикалық қызметті бақылау комитетінің 26.02.2015ж. хатының негізінде әзірленген, медициналық қызмет сапасының ішкі және сыртқы сараптамасын ұйымдастыру және өткізу бойынша 2015ж. Жол картасын іске асыру аясында, ҚР ДС және ӘДМ 27.03.2015ж. №173 «Медициналық қызмет сапасының ішкі және сыртқы сараптамасын ұйымдастыру және өткізу Ережелерін бекіту туралы» құрылды.

Пациентті қолдау және ішкі бақылау қызметінің» төрайымы  бас дәрігердің медициналық көмек сапасын бақылау жөніндегі орынбасары Таңатбаева Л.С.

Орынбасары-дәрігер-эксперт Барбосынов Б.Н., хатшысы-Касенова Л.

Мүшелері:  Ниязалиева А.А., Исакжанов З.К., Таштемиров Б.А.,               Омарова А.С., Намазалиев С.Т., Ли Е.И., Исаев И.А.,Омарова Ж.С., БАҚ мониторингі бойынша маман-Пономарева Т.В.,

Көрсетілген телефон нөмірлеріне: 43-21-79 немесе №10 кабинетке ПАЦИЕНТТЕРГЕ ҚОЛДАУ КӨРСЕТУ ҚЫЗМЕТІНЕ (Ішкі бақылау қызметі) жолықсаңыз болады.

Диспансердің шағын Сall-орталығының номері-55-67-01

ПАЦИЕНТТЕРДІ ҚОЛДАУ ЖӘНЕ ІШКІ БАҚЫЛАУ ҚЫЗМЕТІ ТУРАЛЫ ЕРЕЖЕ

 

  1. Осы Ереже:

1.1.  ҚР «Халық денсаулығы және денсаулық сақтау жүйесі туралы» Кодекстің 58-бабына;

1.2.  «Медициналық қызметтер көрсету сапасына ішкі және сыртқы сараптамаларды ұйымдастыру мен жүргізу қағидаларын бекіту туралы» ҚР Үкіметінің 2011 жылғы 22 желтоқсандағы №1577 Қаулысына;

1.3.  ДжӘДМ 27.02.2015ж. №115 бұйрығымен бекітілген «Медициналық қызметтер көрсету сапасына ішкі және сыртқы сараптамаларды ұйымдастыру мен жүргізу бойынша» Жол картасына;

1.4.  Ұйымдастыру құрылымын, міндеттерді, функционалдық қызметтерді, құқық пен жауапкершіліктерді бекіту мақсатында 27.04.2015ж. №121 ішкі бұйрыққа;

1.5. «Медициналық ұйымдарда ішкі бақылау қызметі (аудит) жұмысын ұйымдастыру қызметі бойынша әдістемелік ұсынымдарды бекіту туралы» ҚР Денсаулық сақтау министрінің 2011 жылғы 27 желтоқсандағы №923 бұйрығына сәйкес дайындалды.

 

  1. Жалпы Ережелер.

2.1. Осы Ереже ПҚжІБҚ қызметін ұйымдастыру және медициналық ұйым көрсететін медициналық қызметтер сапасына ішкі сараптама жүргізу тәртібін анықтайды.

2.2. Ішкі бақылау бөлімі ШЖҚ «Жамбыл облыстық наркология диспансері» МКК-ның жеке құрылымдық бөлімшесі болып табылады және ұйым жетекшісіне тікелей бағынады.

2.3. Ішкі бақылау бөлімі  өз қызметінде Қазақстан Республикасы Еңбек Кодексін, 18.02.2009ж. №193 – IV «Халық денсаулығы және денсаулық сақтау жүйесі туралы» ҚР Кодексін, ДСжӘДМ бұйрықтарын, «Жамбыл облыстық денсаулық сақтау Басқармасы» ММ өкімдерін, сонымен қатар осы Ережені басшылыққа алады.

2.4. Осы Ережеде мынадай негізгі ұғымдар қолданылады:

2.4.1. медициналық қызмет сапасын бағалау индикаторлары – медициналық қызметтер тиімділігінің, толықтығының және денсаулық сақтау саласындағы стандарттарға сәйкестілігінің көрсеткіші, оларға мыналар жатады:

2.4.2. құрылым индикаторлары – кадрлық, қаржылай және техникалық ресурстармен қамтамасыз ету көрсеткіштері;

2.4.3. үдеріс индикаторлары – профилактика, диагностика, емдеу және оңалту технологияларының орындалуын бағалау көрсеткіштері;

2.4.4. нәтиже индикаторлары – денсаулық сақтау субъектілеріне медициналық қызмет көрсету немесе көрсетпеу нәтижесінде денсаулыққа келген салдарды бағалау көрсеткіштері;

2.4.5. ішкі индикаторлар – медициналық қызмет сапасын бағалау және талдау жүргізу мақсатында субъектінің әрбір құрылымдық бөлімшелері қызметінің тиімділігін, толықтығын және денсаулық сақтау саласындағы стандарттарға сәйкестілігін сипаттайтын ішкі сараптама жүргізуде қолданылатын көрсеткіштер;

2.4.6. сыртқы индикаторлар – медициналық қызмет сапасын бағалау және талдау жүргізу мақсатында субъектінің әрбір құрылымдық бөлімшелері қызметінің тиімділігін, толықтығын және денсаулық сақтау саласындағы стандарттарға сәйкестілігін сипаттайтын сыртқы сараптама жүргізуде қолданылатын көрсеткіштер;

2.4.7. ауруханаішілік комиссиялар – стационарлық көмек көрсететін ұйымдарда (ауруханаішілік инфекциялардың алдын алу, өлім жағдайларын талдау бойынша) құрылатын комиссиялар;

2.4.8. Пациенттерді қолдау және ішкі бақылау (аудит) қызметі (одан әрі ПҚжІБҚ) – медициналық көмек көрсету сапасын басқару қызметін жүзеге асыратын денсаулық сақтауды ұйымдастыру деңгейіндегі және сәйкесті өкілеттілік берілген денсаулық сақтау ұйымының құрылымдық бөлімшесі;

2.4.9. ретроспективалық талдау – бұрын медициналық көмек қабылдаған пациенттердің медициналық құжаттамаларын меңгеру негізінде талдау жасау;

2.4.10. клиникалық талдау –емдеу-диагностикалық іс-шаралардың денсаулық сақтау саласындағы стандарттарға сәйкестілігін анықтау бойынша жүргізілген толық ретроспективалық және/немесе ағымдағы талдау;

2.4.11. аяқталған жағдай – пациентке алғаш жолыққан сәтінен бастап емдеу аяқталғанға дейін амбулаториялық-емханалық деңгейде медициналық қызмет көрсету кешені;

2.4.12. емдеу жағдайы – пациентке стационарға түскен сәтінен шыққанға дейін стационарлық (стационарды алмастыру) жағдайда медициналық қызмет көрсету кешені;

2.4.13.  тәуелсіз сарапшы – денсаулық сақтау субъектілерінің қызметіне тәуелсіз сараптама жүргізу үшін белгіленген тәртіпте аккредиттелген жеке тұлға;

2.4.14. медициналық қызметтер сапасының сараптамасы – медициналық қызметтердің тиімділігін, толықтығын және денсаулық сақтау саласындағы стандарттарға сәйкестілігін көрсететін, медициналық қызметтер сапасын бағалау индикаторларын пайдалану арқылы жеке және заңды тұлғаларға көрсетілетін медициналық қызметтердің сапа деңгейі бойынша қорытынды беру үшін жүзеге асырылатын ұйымдастыру, аналитикалық және практикалық іс-шаралар жиынтығы.

  1. Жұмысты ұйымдастыру

3.1. Пациенттерді қолдау және ішкі аудит Қызметінің (одан әрі – Қызмет) құрылымы мен құрамына мыналар жатады: бөлім бастығы (босатылған лауазым), сарапшы дәрігер (босатылған лауазым), БАҚ мониторингі бойынша маман (босатылған лауазым), КҚШ бойынша бухгалтер аудит. Босатылмаған мамандандырылған сарапшылар, аудиторлар: дәрігерлер, ОМҚ, психолог, шаруашылық бөлімінің бастығы, диеталық мейірбике. Бөлім бастығы ОНД бас дәрігеріне бағынады. Босатылған сарапшылар жұмыс жоспарына сәйкес үздіксіз аудит жүргізеді. Босатылмаған сарапшылар мен аудиторлар Қызмет бастығымен бекітілген кестеге сәйкес, қажет болған жағдайда Қызмет бастығының тапсырмасымен мерзімдік аудиттер жүргізеді.

Қызмет жанынан бірінші басшымен бекітілген медициналық қызмет сапасын басқару Кеңесі (одан әрі – Кеңес) құрылады, оның құрамына бас дәрігердің емдеу ісі жөніндегі орынбасары, ОДО меңгерушісі, үйлестіруші терапевт дәрігер, бас мейірбике, психолог жатады.

3.2. Кеңес Қызметтегі негізгі орган болып саналады, оның міндеті көрсетілетін медициналық қызметтер сапасын жетілдіру бойынша басқару шешімдерін қабылдау және ұсыныстар беру. Қажеттілікке орай Кеңес құрамы Кеңес жүзеге асыратын іс-шаралардың бейіні мен мақсатына қарай өзгеріп отырады. Кеңес отырысы айына кемінде 1 рет және Қызмет бастығының тапсырмасымен қажеттілікке байланысты кезектен тыс өткізіледі. Кеңес отырыстарында сарапшылар мен басқа да тұлғалардың медициналық қызмет көрсету сапасына жүргізген аудиторлық тексерістерінің қорытындылары, пациенттерден келіп түскен шағым-арыздар бойынша аудит нәтижелері талқыланады.

Қызмет медициналық көмек сапасын қамтамасыз ету және оны үздіксіз арттыру бойынша бағдарлама дайындап, басшымен бекітеді.

Бағдарламаның негізіне басқару бұйрықтары, медициналық кеңес пен ауруханаішілік комиссия шешімдері алынады.

3.3.Бағдарлама мазмұны:

3.3.1 мақсаты мен міндеттері;

3.3.2 құрылымдық бөлімшелердің қызметіне ішкі индикаторлар арқылы баға беріп, талдау жасау нәтижелері, сондай-ақ бөлімше қызметінің денсаулық сақтау саласындағы стандарттарға сәйкес келуі;

3.3.3 әрбір бөлімше қызметінің көрсеткіштерін жақсарту бойынша іс-шаралар;

3.3.4 жоғарыда аталған іс-шаралар бойынша жауапты тұлғалар мен орындалу мерзімдерін анықтау;

3.3.5  бағдарламаны жүзеге асырудан күтілетін нәтижелер.

  1. Пациенттерді қолдау және ішкі аудит Қызметінің

негізгі принциптері:

4.1 жүйелілік – медициналық қызметтер сапасы бойынша үздіксіз жұмыс;

4.2 әділдік – медициналық қызметтер сапасына сараптама жүргізу денсаулық сақтау саласындағы стандарттарды қолдану арқылы жүзеге асырылады;

4.3 жариялылық – медициналық қызметтер сапасына сараптаманы тәуелсіз сарапшыларды тарту арқылы немесе денсаулық сақтау саласының өкілетті органдары мамандарынсыз тәуелсіз сарапшылардың өз бетімен денсаулық сақтау субъектілері өкілдерінің қатысуымен жүргізу;

4.4 қол жетімділік – қызмет сарапшыларының пациенттердің өтінішіне жедел жауап беруін қамтамасыз ету (өтініштерге арналған жәшікке түскен жазбаша өтініштерге 5 күнге дейінгі мерзім ішінде, медициналық ұйымның бірінші басшысының блогына түскен өтінішке 3 күннен кешіктірмей, сенім телефонына түскен өтініштерге 1 күн ішінде жауап берілуі қажет).

 

  1. Пациенттерді қолдау Қызметінің негізгі міндеттері:

5.1 Пациенттер құқығын қорғау мен қолдауды қамтамасыз ету. Қызмет адам мен азаматтардың құқығы мен бостандығы, әділеттілік, адамгершілік, азаматтар құқығының теңдігі принциптері негізінде әрекет етеді.

5.2 Халықтың сапалы медициналық қызметке қол жетімділігін қамтамасыз ету.

5.3 Пациенттердің медициналық ұйымдарда және «осы жерде және қазір» принципі бойынша сенім телефондарына келіп түскен өзекті мәселелерін (шағымдарын) туындау жағдайына байланысты шешу.

5.4 Кадрлық және материалдық-техникалық ресурстарды пайдалану тиімділігін арттыру.

5.5 Тегін медициналық көмектің кепілдендірілген көлемін көрсету ережесін сақтау;

5.6  Жұмыстағы кемшіліктерді болдырмау мен жоюға бағытталған және медициналық көмектің сапасы мен тиімділігін арттыруға көмектесетін іс-шаралар бағдарламасын дайындау.

  1. Пациенттерді қолдау және ішкі аудит Қызметінің функциялары:

6.1  пациенттердің қанағаттану дәрежесін жақсарту үшін Қызмет дайындаған ішкі индикаторларды қолдану арқылы жеке үдерістер мен ем-шараларды бағалау, денсаулық сақтау саласына стандарттар енгізу бойынша бөлімше қызметінің тиімділігіне талдау жасау;

6.2 ауруханаішілік комиссия қызметіне талдау жасау;

6.3 кемшіліктердің қайталап орын алуын болдырмауға және жоюға бағытталған іс-шаралар жоспарының дайындалуы туралы ақпаратты басшылыққа ұсыну;

6.4  денсаулық сақтау ұйымының персоналын сапалы медициналық көмекті қамтамасыз ету бойынша оқыту және әдістемелік көмек беру;

6.5  қызметкерлер пікірін меңгеру және персоналға ұйымдағы пациенттердің қауіпсіздігін қамтамасыз ету және сапаны жақсарту шаралары туралы хабарлау;

6.6 пациенттердің медициналық қызмет сапасына қатысты өтініштерін қарау;

6.7 сыртқы сараптама жүргізуге тәуелсіз сарапшыларды тарту Қазақстан Республикасының белгіленген заңнамасы тәртібінде жүргізіледі;

6.8 ПҚжІБҚ жұмысы бойынша ұйым басшысына есеп тапсыру.

7.Пациенттердің өтініштері.

 

7.1  Өтініш өтініш иесімен жазылуы тиіс.

7.2 Шағымдану кезінде субъект атауы немесе шағым беріліп отырған лауазымды тұлғаның аты-жөні, лауазымы, шағымдану себептері мен талаптары көрсетілуі керек.

7.3 Түскен шағым пациенттерді қолдау Қызметіне жіберіледі, өтініш иесіне өтініш түскен күннен кейінгі үш жұмыс күні ішінде жауап беріледі.

8.Өтініштерді қарау мерзімдері.

8.1 .1 Шағым 2 күн ішінде қарастырылуы тиіс.

Жеке және (немесе) заңды тұлғалардың бөгде тұлғалардан ақпарат алуды талап етпейтін өтініштері пациенттерді қолдау Қызметіне келіп түскен күннен кейінгі бес күнтізбелік күннен кешіктірілмей қарастырылуы тиіс. 8.1.2 Бөгде тұлғадан ақпарат алуды немесе оқиға орын алған жерге барып тексеруді талап ететін шағым түскен күнінен бастап он күнтізбелік күн ішінде қарастырылып, шешім қабылданады.

8.1.3 Қосымша меңгеру немесе тексеру жүргізу қажет болған жағдайда өтінішті қарастыру мерзімі отыз күнтізбелік күннен артық емес уақытқа ұзартылады, ол жөнінде өтініш иесіне өтінішті қарау мерзімі ұзартылған күннен бастап үш күнтізбелік күн ішінде хабарлануы тиіс.

8.1.4 Шағымдарды қарастыру мерзімі директормен (бас дәрігермен) немесе оның орынбасарымен ұзартылады.

8.2.1 Өтініштерді қарастыру

8.2.2  Өтініштерді қарау кезінде ішкі бақылау (аудит) Қызметінің қызметкерлері жеке және заңды тұлғалардың өтініштерін әділ, жан-жақты және уақтылы қарастыруды қамтамасыз етеді. Жеке және заңды тұлғалардың бұзылған құқығы мен бостандығын қалпына келтіруге бағытталған шаралар қабылдайды.

8.2.3 Өтінішті меңгеру кезінде ішкі бақылау (аудит) Қызметінің қызметкерлері өтінішті тексеру үшін ұсынылған ақпаратты жинауға және олардың дәйектілігіне жауап береді. Шағымдар бойынша жауапкершілік Пациенттерді қолдау және ішкі бақылау (аудит) Қызметіне, медициналық ұйым директорының емдеу ісі жөніндегі орынбасарына және бөлім меңгерушілеріне жүктеледі.

8.2.4 Шағымды қарастыруға шағымға қатысы бар тұлға қатыспауы керек.

8.3.1 Өтінішті қарастыру қорытындысы бойынша Хаттама толтырылады. 8.3.2 Хаттамаға мынадай ақпараттар енгізілуі тиіс:

– хаттаманың нөмірі;

– отырыс болған күн;

– отырысқа қатысушылар;

– күн тәртібі (талдау тақырыбы);

– қорытындылар, шешу жолдары;

– Кеңеске қатысқан мүшелердің қолы.

8.3.3 Ішкі бақылау (аудит) Қызметінің хаттамасы мен материалдары (бастапқы құжаттамалар, түсініктемелер, т.б.) шешім қабылдау үшін медициналық ұйымның директорына ұсынылады.

9.Пациенттердің шағымдарына берілетін жауаптар.

9.1.1 Шағымдарға берілетін жауап мазмұны бойынша негізделген және дәлелденген мазмұнда Қазақстан Республикасы заңнамасының сілтемесіне  сәйкес мемлекеттік тілде немесе шағым жазылған тілде болуы тиіс және өтініш берушінің дәлелдерін теріске шығаратын немесе растайтын нақты деректер көрсетілуі қажет.

9.1.2 Қызмет мүшелерінің құқығы мен міндеттемелері:

Қызмет мүшелері құқылы:

9.1.3 шағымды қарастыруға қажетті ақпаратты сұрауға және алуға;

9.2.1 Қызмет мүшелері міндетті:

9.2.2 пациенттердің шағымдарын «Жеке және заңды тұлғалардың өтініштерін қарау тәртібі туралы» Қазақстан Республикасының Заңымен белгіленген тәртіп пен мерзімде қабылдау және қарау;

9.2.3 дәлелді шешімдер қабылдау;

9.2.4 қабылданған шешімдердің орындалуына бақылау жасауды қамтамасыз ету;

9.2.5 пациенттерге қабылданған шешім туралы жазбаша түрде немесе электронды құжат түрінде хабарлау;

9.2.6 мәселенің әділ шешілуіне мүдделі емес тұлғаларға тексерісті жүктеу жағдайларын болдырмау;

9.2.7 пациенттер шағымдарының туындау себептерін жою және олар бойынша жұмысты жетілдіру мақсатында сыни ескертпелерден тұратын шағымдарға талдау жасап, жинақтау, қоғам пікірін зерттеу.

1) БАҚ мониторинг жүргізу,

2) кадрлық және материалдық-техникалық ресурстарды пайдалану жағдайы мен тиімділігін бағалау;

3) пациенттерге медициналық көмек көрсету технологиясының денсаулық сақтау саласындағы белгіленген стандарттарға сәйкестігі бойынша бағалау (клиникалық аудит) және комиссиялық бағалауға жататын жағдайларды саралау;

4) медициналық көмектің кепілдендірілген көлемін көрсету ережесін сақтау, жұмыстағы кемшіліктерді жою мен болдырмауға бағытталған және медициналық көмек көрсету сапасы мен тиімділігін арттыруға септігін тигізетін іс-шаралар бағдарламасын жасау.

Саясат мен рәсімдер дайындау (СОП).

9.3.1 Медициналық қыметтер сапасына ішкі бақылау жасау медициналық қызмет көрсету кезінде кемшіліктерді анықтау кезінде тұлғаларға немесе бөлімшелерге әкімшілік әрекет ету шараларын қолдануды, сондай-ақ лауазымдық міндеттері мен жұмыс жоспарларын сапалы орындағаны үшін сыйақы төлеу мүмкіндігін, бөлімшелер мен тұлғалар қызметін бағалайтын негізгі көрсеткіштер/индикаторларды жақсартуды қарастырады.

  1. Медициналық көмек сапасына сараптама жүргізу кезеңдері.

Медициналық көмек сапасына сараптау кезеңдері.

10.1 Есептік және есептілік құжаттамаларға талдау жасау денсаулық сақтау субъектісінің белгілі бір жұмыс мерзімі ішіндегі қызметінің көрсеткішін  халық денсаулығы жағдайы бойынша республиклық және облыстық көрсеткіштермен салыстыру мақсатында жүргізіледі.

10.2  Емдеу-диагностикалық іс-шаралардың денсаулық сақтау саласындағы белгіленген стандарттарға сәйкестігін анықтау үшін жүргізілген ретроспективалық немесе ағымдағы талдауларды зерттеу арқылы клиникалық аудит жүргізу.

10.3  Медициналық ұйым қызметіне қатысты азаматтардан келіп түскен дәйекті өтініштер саны бойынша пациенттерге немесе олардың туысқандарына сауалнама жүргізу арқылы көрсетілетін медициналық көмектің деңгейі мен сапасына азаматтардың қанағаттану дәрежесін анықтау.

10.4    Медициналық қызметтер сапасына жүргізілген сараптаманы талдау және жинақтау.

10.5      Сапаны сараптау бойынша анықталған кемшіліктерді жою мен болдырмауға бағытталған шаралар қабылдау.

10.6    Медициналық көмек көрсету үдерісін сараптау аяқталған жағдай бойынша (ретроспективалық) және ағымдағы сараптама бойынша жүргізіледі.

  1. Сарапшының міндеттері. 

11.1.1 Сарапшының емдеу-диагностиалық үдеріс сапасына сараптама жүргізу кезіндегі міндеттері:

11.1.2 міндетті түрде диагностикалық іс-шаралардың толықтай және уақтылы жүргізілуін, емдеу шараларын таңдаудағы бара-барлық пен олардың сақталуын, диагноздың дұрыс және дәл қойылуын бағалау, кемшіліктер мен олардың себептерін анықтау;

11.1.3 анықталған кемшіліктерді жою және болдырмау бойынша нұсқаулық дайындау.

11.2.1 Сараптамалық бағалаудың әрбір жағдайы бойынша стационарлық науқас пен амбулаториялық науқастың сараптамалық бағалау парағын толтырды. Оларды өңдеу кезінде медициналық көмектің сапасы мен тиімділігін сипаттайтын көрсеткіштер анықталады.

  1. Медициналық ұйымдағы медициналық көмек сапасына сараптама жүргізудің жалпы принциптері. 

12.1 Медициналық ұйымдағы медициналық көмек сапасына бақылау жасау күнделікті ертеңгілік жиналыстар, бөлім меңгерушісінің бөлімді аралауы, медициналық құжаттамалардың жүргізілуін тексеру арқылы жүзеге асырылады.

12.2 Медициналық көмектің сапасына бақылау жүргізуде дәрігердің өзін-өзі бақылау мен мамандарды сапа стандарттарына сәйкес дайындау жұмыстарын ұйымдастыру басты мәселе болып саналады.

12.3 Медициналық көмектің сапасы мен тиімділігіне бағалау жүргізуді ұйымдастыру жұмыстағы кемшіліктерді анықтау тәсілі ғана емес, ол сапа мен тиімділік деңгейін арттыру шарасы болып табылады. Медициналық қызметкерлердің білім деңгейін арттыру және емдеу-диагностикалық үдеріске барынша басқаша қарау мақсатында сараптаудың әр түрлі кезеңінде анықталған әрбір ақау, әрбір сәйкессіздік, сондай-ақ нормативтік шығындардан айтарлықтай ауытқулар талқылануы тиіс. Медициналық көмектің сапасын бағалау жүйесі үздіксіз қызмет етуі керек, бұл сапаны басқаруға қажетті ақпаратты жедел түрде алуға мүмкіндік береді. Медициналық көмектің сапасы мен тиімділігінің деңгейін түзетудің негізгі түрі ағартушылық, ұйымдастырушылық және тәртіптік шаралар болып табылады. Бұл жағдайда сапа мен тиімділік бағасынан оларды арттыруға көшудің негізгі факторы деп персоналдың білімін және оның үздіксіз жетілдірілуін айтуға болады. Барлық лауазымды тұлғалардың жүйенің жүзеге асырылуына қатысуы қойылған міндеттерді механикалық түрде орындауға әкеп соқтырмауы тиіс. Аталған жүйені енгізу және оны бейімдеу кезінде қажеттілікке байланысты түзетулер енгізілуі мүмкін.

  1. Қорытынды. 

13.1. Халықты қолдау және медициналық қызмет сапасын ішкі бақылау Қызметі медициналық қызмет көрсетушілерге айтарлықтай жақын бақылаудың негізгі түрі болып табылады. Оның нәтижелері сыртқы сараптама мәліметтерімен (бақылау-қадағалау органдарының қорытындылары, актілері, анықтамалары) салыстырып тексеріліп, пайдаланылады.

13.2 Медициналық көмек сапасы мен тиімділігінің көрсеткіштері медициналық қызметкерлерге сараланған еңбекақы төлеуде пайдаланылатын болады.